De Di Hume Aazaadi... Saabarmati Ke Sant

Every time I listen to this song, I feel choked with emotions and tears dwell around my eyelashes.

For today, for Gandhi Jayanti, October 2, 2008. Happy birthday to the Father of our Nation - Mohandas Karamchand Gandhi.

Long live Bapu's theories and may God bless me with strength to follow his princlples of satya and ahimsa.


F: de di hume azaadi bina khadag bina dhaal
saabarmati ke sant toone kar diya kamaal
Ch: de di hume azaadi bina khadag bina dhaal
saabarmati ke sant toone kar diya kamaal

F: aandhi mein bhi jalti rahi gandhi teri mashaal
Ch: saabarmati ke sant toone kar diya kamaal
de di hume azaadi bina khadag bina dhaal
saabarmati ke sant toone kar diya kamaal

F: dharti pe ladi toone ajab dhab ki ladaai
daagi na kahin topp na bandook chalai
dushman ke kile par bhi na ki toone chadaai
wah re fakir khoob karaamaat dikhaayi
chutki main dushmano ko diya desh se nikaal
Ch: saabarmati ke sant toone kar diya kamaal
F: de di hume azaadi bina khadag bina dhaal
saabarmati ke sant toone kar diya kamaal
Ch: raghupati raaghav raaja raam

F: shatranj bicha kar yahan baitha tha zamaana
lagta tha ke muskil hai firangi ko harana
takkar thi bade zor ki dushman bhi tha taana
par tu bhi tha bapu badaa ustaad purana
maara woh kas ke daav ke ulti sabhi ki chaal
Ch: saabarmati ke sant toone kar diya kamaal
F: de di hume azaadi bina khadag bina dhaal
saabarmati ke sant toone kar diya kamaal
Ch: raghupati raaghav raaja raam

F: jab jab tera bigul bajaa jawaan chal pade
majdoor chal pade the aur kisaan chal pade
hindu woh musalmaan sikh pathaan chal pade
kadamon pe teri koti koti praan chal pade
phoolon ki sej chhod ke daude jawaaharlaal
Ch: saabarmati ke sant toone kar diya kamaal
F: de di hume azaadi bina khadag bina dhaal
saabarmati ke sant toone kar diya kamaal
Ch: raghupati raaghav raaja raam

F: mann mein thi ahimsa ki lagan tan pe langoti
laakhon mein ghoomta tha liye satya ki soti
waise to dekhne mein thi hasti teri chhoti
lekin tujhe jhukti thi himaalay ki bhi choti
duniya mein tu bejod tha insaan bemisaal
Ch: saabarmati ke sant toone kar diya kamaal
F: de di hume azaadi bina khadag bina dhaal
saabarmati ke sant toone kar diya kamaal
Ch: raghupati raaghav raaja raam

F: jag mein koyi jiya hai to bapu tu hi jiya
toone watan ki raah pe sab kuch loota diya
manga na koi takht na koi taaj hi liya
amrut diya to theek magar khud zaher piya
jis din teri chita jali roya tha mahaakaal
Ch: saabarmati ke sant toone kar diya kamaal
F: de di hume azaadi bina khadag bina dhaal
saabarmati ke sant toone kar diya kamaal
Ch: raghupati raaghav raaja raam (3)


Film: Jagruti (1954)
Singer: Asha Bhonsle
Music Director: Hemant Kumar
Lyrics: Pradeep
Picturized on: Abhi Bhattacharya & Others

Aye Mere Watan Ke Logon...

aye mere watan ke logon
tum khoob lagaa lo naaraa
yeh shubh din hai ham sab kaa
leharaa lo tirangaa pyaaraa
par mat bhulo seemaa par
veeron ne hai praan ganvaaye
kuch yaad unhein bhi kar lo (2)
jo laut ke ghar naa aaye (2)

aye mere watan ke logon
zaraa aankh mein bhar lo paani
jo shahid hue hai unn ki
zaraa yaad karo qurbaani

jab ghaayal huaa himaalay
khatare mein padi aazaadi
jab tak thi saans lade woh
phir apni laash bichhaa di
sangeen pe dhar kar maathaa
so gaye amar balidaani
jo shahid hue hai unn ki
zaraa yaad karo qurbaani

jab desh mein thi diwaali
woh khel rahe the holi
jab ham baithe the gharon mein
woh jhel rahe the goli
the dhanya javaan woh aapane
thi dhanya vo unn ki jawaani
jo shahid hue hai unn ki
zaraa yaad karo qurbaani

koi sikh koi jaat maraathaa
koi gurakhaa koi madaraasi
sarahad pe maranewaalaa (2)
har veer tha bhaaratavaasi
jo khoon giraa parvat par
woh khoon tha hindustaani
jo shahid hue hai unn ki
zaraa yaad karo qurbaani

thi khoon se lath-path kaayaa
phir bhi bandook uthaake
das-das ko ek ne maaraa
phir gir gaye hosh ganvaa ke
jab ant-samay aayaa to
keh gaye ke ab marate hai
khush rehnaa desh ke pyaaron
ab ham to safar karte hai

kya log the woh deewaane
kya log the woh abhimaani
jo shahid hue hai unn ki
zaraa yaad karo qurbaani

tum bhool naa jaao unn ko
iss liye kahi ye kahaani
jo shahid hue hai unn ki
zaraa yaad karo qurbaani

jay hind jay hind ki sena (2)
jay hind, jay hind, jay hind


Music Director: C. Ramchandra (Chitalkar)
Singer: Lata Mangeshkar
Lyrics: Kavi Pradeep
Translation: http://en.wikipedia.org/wiki/Aye_Mere_Watan_Ke_Logo
MIO: http://www.musicindiaonline.com/p/x/QUbsDcyad9.As1NMvHdW/

History: This song was sung to honor the sacrifices of the gallant Indian Jawans (infantrymen) who in the 1962 Sino-Indian War fought to the last man and the last round on the icy desolate peaks of the Himalayas with obsolete bolt-action Lee-Enfield rifles against the assault rifles, heavy machine guns, mortars and artillery of the People's Liberation Army of China.